LAOAG CITY – Adda ti baro a love anthem ti Asia’s Soul Supreme a ni KZ Tandingan nga isagutna para kadagiti kameng ti LGBTQ+ community a napauloan ti Nagmamahal Lang Ako.
Idanon ti mensahe ti kanta a libre laeng ti agayat ken para daytoy iti amin, aniaman ti kinatao.
Daytoy ket estoria ti maysa kadagiti nasinged a pagayam ni KZ a saanna a maipeksa ti ayat a marikriknana.
Naammoan a ni KZ ti nangpartuat ti kanta babaen ken ni Theo Martel, nirekord, in-mixed ken mastered ni Timothy Recla ken nairubuat iti Star Music.
Kabayatanna, agbalin daytoy a paset iti upcoming album ni KZ a Soul Supremacy II.
