LAOAG CITY – Simreken ni Laoag City Mayor Chevyll Fariñas iti opisina kalpasan a naidulin ti bangkay ti pimmusay nga asawa na a ni Vice Masyor Michael Fariñas.
Nagiwayat dagiti empelyado ken opisyales ti gobyerno a nagatendar ti flag raising ceremony ti maysa a minuto a panagkararag para iti pimmusay a Bise Mayor.
Kalpasan ti Flag raising, nasiaruno ti pannakawaris dagiti baro a nagatang a lugan ti ciudad kas iti 2 a dump trcuk ken 1 nga L300 FB Van.
Malaksid iti pannakawaris dagiti nasao a lugan, nawarisan pay dagiti baro a pasdek kas iti opisina ti City Agricultureken ti baro a rice mill, CDRRMC, RHU, ken ti Bahay Pagasa and Carehome Bldg.
Naigeddan payen ti pannakaibunong dagiti 25 a baka ken baboy kadagiti resipiyente nga umili ti ciudad.
