LAOAG CITY – Agkikinnammayet ti Los Angeles County tapno naan-anay a masebseban ti mapaspasamak a wildfire.
Inbatad ni Los Angeles County Fire Chief Anthony Marrone a simmangpeten ti kanayonan a danom manipud kadagiti nagduduma nga estado ti Estados Unidos.
Iyal-alistoda ti panangsebseb gapu iti amakda nga adda ti napigsa nga angin a sumangbay a mangitunda ti panagdakkel ti apoy.
Iti coastal Palisade fire ket addaan ti 11 a porsiento ditoy ti nasebsebanen idinto nga iti Eaton Fire iti Altadena ket addaan ti 27 a porsiento ti nasebsebanen.
Dumanon met iti 29 a tattao ti inarestar dagiti otoridad iti inpatungpalda a curfew a mangipapilit nga agsubli kadagiti pagtaenganda idinto a dagiti dadduma ket naarestar gapu iti panangserrek kadagiti nabati a pagtaengan.
Agtultuloy ti panawagan ni Marrone kadagiti residente nga awaten ti trabahoda gapu ta adu kadagiti bumbero ti nangaramid ti amin a kabaelanda tapno masebseban ti nakadakdakkel nga apo.
