LAOAG CITY – Maibilang a risiris ti laban da dati a Presidente Donald Trump ken Vice President Kamala Harris para iti 2024 Presidential Election idiay Estados Unidos.
Ita nga aldaw ti maudin a panagkampanya dagiti dua no sadinno a nasuruken a 50 a porsiento dagiti balota ti naisumitir para iti early voting.
Iti maysa a rally iti North Carolina, inrakurak ni Trump a gagem na ti mangipaay ti 25% a taripa kadagiti amin nga importasyon ti Mexico no saan da a malapdan dagiti migrants iti ibaballasiw da iti border.
Kabayatanna, adda met ni Harris iti Pennsylvania iti agdama tapno isu ti maudi a pangiwayatan na ti rally sakbay ti eleksyon intono bigat idiay Estados Unidos.
Iti agdama, addan ti nasurok a 78 a milyon a tattao ti nakabotos, maysa nga aldaw sakbay ti eleksyon, kayatna a sawen ket nasurok a kagudua ti 150 a milyon nga americans ti nakabotosen.
