LAOAG CITY – Maisayangkat inton Nobiembre 15 ti panaglaban ti boxing ring ni dati nga heavyweight boxer Mike Tyson ken influencer-boxer Jake Paul.
Segun iti organizer nga iti kapada met laeng a lugar iti Arlington, Texas daytoy a maiyuswat.
Immunan a naiyeskedyul ti laban dagiti dua inton Hulio ngem nakapasar ti ulcer ti agtawen ti 57 a ni Tyson.
Inabisoan isuna dagiti doktorna nga agpaimbag pay laeng ken saan pay laeng a makilaban.
Ti nasao a laban ket sanctions kas professional fight kadagiti sumagmamano a kondision kas ti panagbalin nga eight rounds a sag-2 a minuto.
Agusar dagiti dua a boksingero ti 14 ounce a gloves imbes a 10 oz laeng.
Manipod idi 2005 ket saan a nakalaban iti professionally ni Tyson ngem adda dagiti exhibition match daytoy idi 2020.
Tawen 1987 idi immuna a nagbalin nga heavyweight boxer daytoy nga iggemna ti WBA, WBC ken IBF heavyweight titles.
Nalpas ti kinasikatna idi 1990 idi abaken isuna ni Buster Douglas a nabirngasan a maysa kadagiti kadakkelan nga upsets iti pakasaritaan ti boksing.
Idinto ti agtawen ti 27 a ni Paul ket nangabak isuna ti 10 a laban daytoy no sadino kaadduan a nakalabanna ket dati nga UFC fighters a ti maysa nga abakna laeng ket manipod ken ni British boxer Tommy Fury idi Pebrero 2023.
