LAOAG CITY – Inbilin ti labor court idiay Israel nga isardengen ti general strike kalpasan nga immanugot ti gobierno iti katulagan para iti pannakaipaay ti naan-anay a seguridad iti pannakawaya-waya dagiti nabatbati pay nga hostages ti Hamas.
Maipalagip a gapu iti mapaspasamak a nalawa a tignay-protesta ket napilitan dagiti pasdek negosyo, pagadalan ken transportasyon a nagserra ken naisardeng ti operasyon da.
Naruay pay dagiti kalsada a naserraan ken uray ti sumagmamano a flights iti Ben Gurion international airport ket naapektaran.
Nasurok a 10 ribo a tattao ti nagmartsa ken nagrallt iti kaadoan a lugar idiay Israel kalpasan a narekobre dagiti soldado ti innem a bangkay dagiti hostages ti Hamas iti Gaza.
Agpapan ita ket adda pay ti 97 nga hostages ti Hamas ti saan a nakita.
