LAOAG CITY – Tallo a tattao ti natiliw iti naiwayat a drug buy bust operation iti nagduduma a lugar ditoy Ilocos Norte.
Natiliw dagiti otoridad ti agnagan ti Ana Maria Padilla, agtawen ti 40, naasawaan, drug surenderer, ken residente ti Brgy Boyboy, Piddig Ilocos Norte iti naiwayat a drug buy bust operation ti nagtipon a pwersa ti PNP Solsona ken PDEA iti ili a Solsona.
Nakumpiskar dagiti otoridad iti suspek ti tallo a sachet a naglaon ti maipagarup a shabu, 500 peso bill a marked money, motorsiklo, ken ti kuarta na nga 353 a pisos.
Kabayatanna, natiliw met ti dua a suspek iti naiwayat a drug buy bust operation iti Brgy Bagut, Dingras.
Nabigbig dagiti suspek a da Mark Stephen Barrientos, agtawen ti 24, awanan ti asawa, maysa a laborer kenni Marcelo Barrientos Ogoy, agtawen ti 31, naasawaan ken agpada a residente ti Brgy. Santiago, Solsona.
Naala dagiti otoridad iti dua a suspek ti uppat a sachet a naglaon ti maipagarup a shabu, sachet nmga addaan ti shabu residue ken sabsabali pay.
Iti agdama, nmaisagsagana ti kaso a maipila kontra kadagiti tallo a suspek.
