LAOAG CITY – Natukkol ti akin-kannigid a saka ken ima ti maysa a Laborer iti napasamak a desgrasya iti Pila Road bisinidad ti Barangay Pila ditoy ciudad ti Laoag.
Nabigbig ti biktima a ni Vilbert Trapite y Obniala, agtawen ti 38, laborer, addaan ti live-in partner ken residente iti Barangay 59-A, Dibua South ditoy ciudad.
Iti imbestigasyon, kabayatan ti panagpapa-amyanan a direksyon ti maysa nga Isuzu Fuego nga inturong ni Danilo Alipio y Ramones, agtawen ti 53, naasawaan ken residente iti Barangay 60B, Madiladig ditoy ciudad ti Laoag, nakadinnungpar na ti nakamotorsiklo a ni Trapite.
Gapu iti daytoy, nagsagaba ti sugat iti nagduduma a paset ti bagi ti biktima ken natukkol ti akin-kannigid a saka ken ima na idinto a ti driver ti Isuzu Fuego ket saan a naan-ano.
Rumrumuar nga immagaw ti linya ti nakamotorsiklo rason a napasamak ti nasao a disgrasya ken naduktalan nga adda iti impluwensya ti nasanger.
Insigida a naitaray ti biktima iti Governor Roque Ablan Senior Memorial Hospital (GRASMH) para iti pannakaapagas na a no sadinno a na-admit daytoy.
