LAOAG CITY – Saan nga ilaksid ti House prosecution panel ti posibilidad nga awagan ni dati a Vice Presidential Security and Protection Group (VPSPG) commander Colonel Raymund Lachica kas saksi iti impeachment trial ni Bise Presidente Sara Duterte, segun ken ni dati a kongresista ti Surigao del Norte ken prosecution adviser a ni Robert Ace Barbers.
Segun kenni Barbers, saan pay a tinawagan ti prosecution ni Lachica gapu ta saanda pay a kasapulan ti testimonia daytoy. Ngem mabalin nga agbaliw daytoy no kasapulanda ti kanayonan nga ebidensia mainaig iti mapapati a di umiso a pannakausar ti confidential funds ti Office of the Vice President (OVP).
Napagsaludsodan ni Barbers no madanagan da ta naan-anay nga maipabaklay ken ni Lachica ti mapapati a di umiso a pannakausar ti pondo. Kinunana a nakasaganadan para iti kastoy a posibilidad.
Adda met ni Lachica iti listaan dagiti saksi iti depensa. Gapu iti daytoy, kinuna ni Barbers a nakasagana ti prosecution a mang-cross-examine kenkuana no agparang iti Senate impeachment court.
