LAOAG CITY – Natiliw idiay Caloocan City ti maysa a lakay a taga San Nicolas, Ilocos Norte babaen ti alyas warrant of arrest nga inparuk-at ni Judge Manuel Arguel Jr. iti RTC 1st Judicial Region Branch 65 gapu iti kaso na nga estafa.
Daytoy ket babaen ti nagtitipon a pwersa ti PNP-san Nicolas, Provincial Intelligence Team-Ilocos Norte, Regional Intelligence Unit-I ken PNP-Caloocan City.
Nabigbig ti suspek a ni Severino Madriaga, agtawen ti 55, naasawaan, taga Barangay San Lorenzo iti ili ti San Nicolas ngem agdama nga agnanaed idiay Caloocan City.
Nairekomendar ti 40 ribo a pisos a piyansa ti suspek para iti temporaryo a pannakawaya-waya na.
Malaksid iti kaso ti suspek nga estafa ket naiserbian pay ti sumagmamano a warrant of arrest gapu met ti kaso na a murder ken sabali pay a kaso na nga estafa.
Iti agdama, nagtalinaed ni Madriaga iti Bureau of Jail Management and Penology (BJMP) ditoy ciudad ti Laoag.
