LAOAG CITY – Naglikudan ni Mayor Jeofrey Saguid iti ili ti Dingras ti agwarwaras a damag nga adda ti maysa a pimmusay iti ili da gapu iti coronavirus.
Rumrumuar a ti biktima nga agtawen ti 64 ket natay idi sabado, Marso 21 ken naitabon a dagus.
Inbatad ti mayor a ti biktima ket simmangpet idi Marso 14 ita a tawen manipod idiay Novalichez ken daytoy ket taga Barangay Suyo iti ili ti Dingras.
Inlawlawag na a ti biktima ket maysa a Person Under Monitoring (PUM) ken addaan ti sakit diabetes ken hypertension.
Innayon na a basar iti doktor a nangtaming iti biktima iti Dingras District Hospital, pimmusay daytoy gapu iti hypertension saan ketdi a covid-19.
Inadmitir ti mayor nga ado dagiti nagpanic a residente iti nasao nga ili gapu iti rumrumuar a damag a pimmusay ti biktima gapu iti covid-19.
