LAOAG CITY – Kinumpirmaran ni Dr. Renato Mateo iti City Health Office ditoy ciudad ti Laoag a pimmusay ti maysa a lakay a naka-qauratine iti maysa nga hotel.
Segun kenni Mateo, ti nadakamat a naka-quarantine ket naggapo iti isla ti Hawaii ken taga Barangay Bengcag ditoy ciudad.
Inlawlawag ti doktor a ti inpatay ti nasao nga indibidwal ket gapo iti Stage 4 colon cancer.
Inbatad na a saanen a maipadalan iti swab test ti indibidwal gapo ta idi simmangpet ditoy ciudad ti Laoag ket negatibo daytoy iti virus ken gapo laeng iti sakit na ti rason ti pupusay na.
Naamoan a ti nadakamat nga indbidwal ket rumwar kuman intono bigat manipud iti quarantine facility.
