LAOAG CITY – Nadungpar ti maysa a lakay babaen iti maysa a motorsiklo iti Brgy. 1 iti ili ti Sarrat
Nabigbig daytoy a ni Pilesisimo Macni, 72, resident iti nasao a barangay idinto a ti nakadungpar ket ni Kevin Igne, 25, security guard iti mays a convenience store ken residente iti Brgy. Capasan iti nasao nga ili.
Basar iti imbestigasyon, bayat nga agpapalaud a direksyon ti motorsiklo nga inturong ni Igne ket dita a nadungpar na ti lakay a bimmalasiw iti kalsada.
Naamoan a maipagarup a nakainom ti nasanger ti biktima.
Gapu iti daytoy, nadislocate ti akin-kannawan a palay-palay ti lakay ken ang-angalan met ni Igne iti barukong na rason a naitaray dagitoy iti ospital.
