LAOAG CITY – Inpakitan ti Los Angeles Lakers ti agbalin nga uniporme ni Bronny James ti anak ni NBA Star LeBron James.
Makita iti nairuar a ladawan ti grupo nga addaan ti suot a numero 9 ni Bronny ken adda ti nakaikabil a “JR” iti apelyido daytoy.
Immuna a plano ti agtawen iti 19 a ni Bronny nga isuot ti numero 6 a numerona idi USC Trojans ngem daytoy ket inteden ti Lakers a numero ni NBA legend Bill Russel.
Maikadua a choice daytoy ket numero 0 nga isu ti jersey number-na iti Sierra Canyon ngem daytoy ket manipud kadagiti teammates-na a ni Jalen Hood-Schifino isu a nagdesision a baliktaren lattan ti numero 6.
Maipalagip a napili kas maika-55 a draft ni Bronny no sadino agaramid ti pakasaritaan isuda iti NBA a kakaisuna nga agama nga agkadua iti maymaysa a grupo.
