LAOAG CITY – Naibusen ti lako nga alcohol kadagiti sumagmamano a pagtagilakuan ditoy siudad ti Laoag.
Daytoy ket gapu iti kaadon dagiti aggatang ti alcohol gapu iti coronavirus.
Segun kadagiti sumagmamano a pagtagilakoan ditoy ciudad, kasangsangpet laeng idi kalman dagiti lako nga alcohol ngem naibus a dagus gapu iti kaado dagiti napan naggatang.
Iti panagsursur ti Bombo Radyo Laoag kadagiti nagduduma a pagtagilakoan ditoy ciudad ti Laoag ket naamoan nga umab-abot iti
10 agingga 20 a pidaso ti gatgatangen ti kada indibidual.
Immunan nga inlungalong ti Departmen of Trade and Industry (DTI) a masapol nga agingga laeng iti dua nga alcohol ti rumbeng a gatangen ti kada indibidual tapno makawaras ti nasao a produkto.
