LAOAG CITY– Pimmusayen ti maysa a lalaki a biktima iti napasamak a desgrasya iti Manila North Road, bisinad iti Barangay Apatot, Lubong, Pinili, Ilocos Norte.
Nabigbig ti biktima a ni Rene Isidro, agtawen iti 42, awanan ti asawa, laborer, ken residente iti Brgy Callung, Salcedo, Ilocos Sur.
Maipalagip a dinungpar ti maysa a kotse nga inturong ni Barangay Chairman Perfecto Domingo Jr. agtawen ti 51, taga Brgy. Consuela, Sta. Marcela, Apayao ket maipagarop a kellaat a limmasat ni Isidro a nangitunda ti pannakaidungpar na.
Kabayatana, addan iti nagsaritaan ti nagbaetan dagiti dua a partido mainaig iti nasao a pasamak.
