LAOAG CITY – Nasugsugatan ti maysa a lalaki a nakamotorsiklo kalpasan a nasapgod daytoy iti maysa a puraw a pick-up iti Brgy. Pias Sur iti ili ti Currimao.
Nabigbig ti biktima a ni Rodel Alamon y Sacsac, agtawen ti 40, naasawaan ken residente iti nasao a barangay.
Basar iti imbestigasyon, bayat nga agpapaabagatan a direksyon ni Alamon, adda ti sumarsaruno kenkuana a puraw a pick-up ket dita a nasapgod na daytoy.
Kuna na a dagus a nagtalappuwagaw ti suspek kalpasan ti insidente.
Rumrumuar a nagsagaba ti nakana a sugat ni Alamon rason a naitaray daytoy iti Mariano Marcos Memorial Hospital and Medical Center iti siudad ti Batac ken maipagarup nga adda iti kritikar a kondisyon.
