LAOAG CITY – Inlawlawag ni Police Captain Joseph Tayaban, hepe ti PNP Badoc, ti napasamak sakbay a natiliw da ti agnagan ti Richard Somejo y Saribay a residente ti Brgy. Lacuben iti ili ti Badoc.
Daytoy ket mainaig iti panagsalungasing iti protocol iti border control ditoy probinsya.
Kuna na a nagpakada ni Somejo ket inbati na ti I.D. na ken addaan ti travel authority tapno sukunen na ti baro na iti ili ti Cabugao, Ilocos Sur usar iti nagluganan na a kurong-kurong.
Idi nagsubli ni Somejo a sumrek iti border control ditoy probinsya ket liniklikan na ti prosesso wenno protocol iti nasao a border.
Inbatad ni Tayaban nga idi nasita dagiti otoridad ni Somejo ket naduktalan a maibilang a returning resident ti napan na sinukon idiay Cabugao.
Saan nga indalan ni Somejo iti panaglog-in iti border control ken pannakaidalan iti quarantine ti returning resident.
Naipaima iti isolation area ti returning resident nga anak na idinto a maisagsagana dagiti maipila a reklamo kontra kenni Somejo ken nagtalinaed iti kustudyar ti PNP Badoc gapu ti panangliklikna kadagiti protocol.
