LAOAG CITY – Naarestar ti babai a Japanese kalpasan a maipagarup nga inkandadona ti partner daytoy kabayatan a nakaussob iti balkonaheda a nangitunda ti pannakatayna gapu iti nakaro a lamiis.
Natiliw ti agtawen ti 54 a babai iti reklamo nga assault ken lethal confinement basar kadagiti otoridad idiay Nagasaki region ti Japan.
Idi Pebrero 2022, binaon ti babai ti biktima a rummuar iti balkonahe kabayatan a nakaussob ken inkandadona ti ridaw isu a nabati daytoy iti ruar.
Insigida a nagresponde dagiti otoridad iti lugar kalpasan ti tawag a naawatda ken nadanonanda ti agtawen ti 49 a biktima nga asidegen a matay.
Basar iti local official a ni Masafumi Tanigawa, ti biktima ket pimmusay gapu iti hypothermia kalpasan a bimmaba iti 3.7 Celsius ti temperatura kadayta a rabii a napasamak.
Immunan nga dinarup ti babai a suspek ti asawana usar ti kutsilyo.
Naiget met a naglikudan ti babai ti reklamo ken kunana nga awan ti inaramidna nga aniaman iti asawana.
