LAOAG CITY – Maysa a naidumduma a talento ti nakaala ti atension iti intero a lubong kalpasan a nakagun-od ti naisangsangayan a world record a ni Kranthi Kumar Panikera manipud idiay Telangana, India.
Iti uneg laeng ti maysa a minuto, naaramidna a pasardengen ti panagtayyek dagiti blade ti 57 nga electric fans babaen ti dilana iti sikat a programa idiay Italy.
Ti naidumduma a balligi ket nangitunda ti panagsikat ken ni Kranthi nga am-amo pay kas “Drill Man” gapu iti natured nga stunt-na.
Iti maysa a bidyu, inburay ti Guinness World Records, makita ti napaspas ken naannad a panaggaraw kabayatan nga ipakpakitana ti talentona.
Iti adu a reaksion iti online, adu a netizen ti napabilib iti naidumduma a talento daytoy.
