LAOAG CITY – Naminsan manen a naisubli ken ni David Rush ti dati daytoy a record title kalpasan a natukkolna ti nasurok 100 a lapis iti uneg ti maysa a minuto.
Kinumpirmaran ti records keeping organization a Guinness World Record nga iggem manen ni Rush ti titulo a “Most Pencils Snapped in One Minute” kalpasan a nakairekord ti 110 pencils.
Immuna nga iggem ni Rush ti titulo daytoy idi 2019 no saidno nakatukkol daytoy ti 98 a lapis. Iti napalabas a tawen, ginandatna a maisubli ti rekord kenkuana a 111 pencils ngem nadiskualipikar ti entry-na gapu ta nag-malfunction ti inusarna nga stopwatch.
Naammoan a ni Rush ket maysa a serial Guinness world record-breaker ken kalikagumna a magun-od ti titulo a “Most Concurrent Guinness World Record Titles.”
Iti agdama, adda ti 169 concurrent titles daytoyen ken kasapulanna nga abaken ni Silvio Sabba nga addaan ti 180 titles.
