LAOAG CITY – Pinaneknekan ni Dan Galanto a saan laeng a pigsa no di ket balanse pay ti kasapulan iti weightlifting.
Kalpasan ti sumagmamano a daras a pannubok, nagun-odna ti world record iti “heaviest single weight lifted by barbell overhead press while riding a unicycle” idi balligi a nabagkatna ti 93 kilograms a barbell.
Saan pay a nagsardeng isuna gapu ta ninayonanna pay ti dua a world records a naalana ti titulo nga “heaviest single weight lifted by dumbbell overhead shoulder press while riding a unicycle” ken “heaviest weight lifted by barbell push press on a balance board” no sadinno nga inabakna ti dati a record holders manipud idiay United Kingdom ken Italy.
Nangrugi ti pannakahilig ni Dan iti panagbagkat idi agtawen isuna ti 13 idinto nga iti unicycling ket idi agtawen ti 16.
Malaksid iti panagbalinna a record-breaker, mangisursuro pay isuna ti unicycling iti lugarda idiay Grand Rapids, Michigan.
