LAOAG CITY – Naminsan manen a pinaneknekan ti German record-breaker a ni Andre Ortolf ti kabaelanna kalpasan a naalana manen ti dua a world record title a “Fastest time to drink one litre of lemon and lime juice through a straw.”
Dati nga iggem ni Ortolf ti rekord a 16 seconds para iti lemon juice ken 16.82 seconds para iti lime juice. Nupay kasta, naartapan ita a tawen ni David Rush a nakairekord ti 13.53 seconds para iti lemon juice ken 13.99 seconds para iti lime juice.
Iti maysa nga aldaw, balligi a naala ni Ortolf dagiti nasao a titulo. Nagun-odna ti baro a rekord n 13.3 seconds para iti lemon juice ken 13.51 seconds para iti lime juice.
Inbatad ni Ortolf, awan ti nagbalin a side effects ti panaginom ti puro a lemon ken lime juice iti bagina malaksid iti apagapaman a panagsakit ti ngipenna a naawan met kalpasan ti maysa nga aldaw.
