LAOAG CITY – Nagballigi ti inyuswat nga Anti Illegal Drugs Entrapment Operation ti nagtitipon a pwersa ti (PPDEU-INPPO), PIU INPPO, PNP-Laoag City, PNP-Currimao, PNP-Paoay, PNP-Batac CPS, RID PRO-1, IN-CIDG ken RPDEU-PRO1 iti Brgy Tapao-Tigue iti ili ti Currimao.
Binigbig ni Police Lt. Jackson Sugayen, ti mangidadaulo iti PDEU-Ilocos Norte ti subject ti operasyon a ni Gerald Paul Guiang, agtawen ti 37, addaan ti live-in partner, maipagarop a gun for hire ken residente iti Barangay Pangil iti ili ti Currimao.
Ni Guiang ket maibilang kas High Value Individual ti Ilocos Norte Police Provincial Office (INPPO).
Nakumpiskar dagiti otoridad iti ikot ti suspek ti 3 a medium heat-sealed transparent plastic sachets a naglaon ti maipagarop a shabu, maysa a plastic sachet nga addaan ti 3 nga heat sealed transparent plastic sachet a naglaon ti maipagarop a shabu, 5 ribo a pisos a buy-bust money,maysa a magnum 22 revolver a nabungon ti plastic bubble wrap ken addaan ti uppat a bala.
Naamoan a ti innem a sachet a naglaon ti maipagarop a shabu ket agdagsen ti 1.5 a gramo ken mapatta-patta nga agbalor ti 15 ribo a pisos.
