LAOAG CITY – Natay ti maysa a lalaki a maipagarup a makapaspasar ti mental illness kalpasan a timmapuak iti Gilbert Bridge ditoy siudad ti Laoag.
Saan met pay a masinunuo dagiti otoridad ti pakabigbigan ti biktima.
Basar iti Laoag City Police Station, agarup alas sais itay bigat ita nga aldaw ket nakita ti maysa a tricycle driver ti biktima a kellaat a timmapuak iti nasao a rangtay.
Naammoan a manarimaan ti pannakikoordinar ti Philippine National Police iti City Social Welfare and Development Office tapno maammoan ti maseknan a pamilia ti biktima.
Maibasar iti naiwayat a post mortem examination ti bangkay ti lalaki ket addan ti agarup 30 a minuto ti napalabasen sakbay a nakita a natay ti biktima.
Iti agdama, adda iti maysa a puneraria ti bangkay ti biktima no sadinno a no awan ti mapan mangala a kabagian iti daytoy ket insigidan a maitabon.
