LAOAG CITY – Pimmusay ti biktima ti panagdangran iti ili ti Piddig.
Nabigbig daytoy a ni Crisanto Edwin Corpuz y Garcia, agtawen ti 48 awanan ti asawa, mentally retarded ken residente iti Brgy. 19, Abucay, Piddig, Ilocos Norte.
Nabigbig met ti suspek a ni Ryan Castillo y Ugay, 23 years old, meat vendor, awanan ti asawa ken residente met laeng iti nasoa a lugar.
Iti imbestigasyon ti PNP-Piddig, ti biktima ket nakiriri iti padan nga agbagtit a nabigbig a maysa a menor de edad ket nagawa ti suspek babaen iti panagdanog da iti daytoy a rason iti nakatumbaan na iti semento ken maipagarup a naitupa ti ulo na.
Naitaray met nga insigida ti biktima iti Piddig District Hospital baben iti agnagan iti Mark Gil Torida ngem pimmusay bayat a mag-agasan.
Naarestar met ti suspek ken mananarimaan pay laeng ti naun-uneg nga imbestigasyon seknan iti nasoa a pasamak.
