LAOAG CITY – Nagsagaba ti sugat iti nagduduma a paset ti maysa a lalaki kalpasan ti napasamak a desgrasya iti paset ti Gilbert Bridge ditoy ciudad ti Laoag.
Nabigbig ti biktima a ni Fredelito Hernandez Chan, agtawen ti 55, naasawaan ken residente iti Barangay 50, Buttong ditoy ciudad.
Basar iti imbestigasyon ti PNP-Traffic Division, agpaabagatan a direksyon ti biktima idi kellaat a na-slide ken nadalapos na ti barikada iti nasao a rangtay.
Gapo iti daytoy, nasugatan dagiti dua nga ima na ken nagduduma pay a sugat.
Naitaray met ti biktima iti Gov. Roque Ablan Senior Memorial Hospital ditoy ciudad ti Laoag.
Naamoan a ni Chan ket adda iti impluwensya ti nasanger idi napasamak ti nasao a desgrasya.
