LAOAG CITY – Maysa a siklista idiay Oregon, U.S.A. ti nangipila ti kaso kontra iti Columbia River Fire & Rescue kalpasan a nadungpar isuna ti maysa nga ambulansia ken kalpasanna ket siningirda isuna ti $1,800 iti panangitulodda kenkuana iti ospital.
Idi Oktubre 27, 2022 ket kellaat a naglikko ti ambulansia iti pagdaldalyasatan ni William Hoesch a nangitunda ti pannakaidungparna.
Nadadael ti bisikleta ken nagsagaba isuna ti sugat iti rupa, ima ken siket.
Dimmanonen iti $47,000 ti nagastosna iti panagpaagas. Ti makapakigtot, siningir pay isuna ti Columbia River Fire & Rescue ti $1,800 kas bayad iti panangipatulod kenkuana iti ospital.
