LAOAG CITY – Natiliw ti maysa a negosyante gapu ti maipagarup a panangbastos na dagiti pannakabagi ti linteg iti border checkpoint iti Brgy. San Mateo ditoy siudad ti Laoag.
Nabigbig ti lalaki a ni Ronnel Abad Viloria, negosyante, residente iti Brgy. Juan iti ili ti Solsona .
Segun kenni Police Lt. Col. Amador Quiocho, hepe ti PNP Laoag, saan a napintas ti pannakisarita ti negosyante kadagiti otoridad iti border checkpoint.
Inbatad ni Quiocho a nagpabigbig pay a kameng ti CIA ni Viloria kadagiti otoridad iti border checkpoint
Naamuan namanipud iti ili ti Solsona ken maibasar kadagiti naaw-awat na nga impormasyon ket maipagarup nga adda ti pannakainaig ti suspek iti iligal a druga.
Kuna na a pasaray nga agkatkatawa ni Viloria nga agmaymaysa.
Kabayatanna, saan a direkta a sinungbatan ni Quiocho ti saludsod a saan a naipakaammo iti pamilya ti lalaki ti pannakatiliw na ngem ketdi adda met iti cellphone ni Viloria tapno itawag na iti pamilya na.
