LAOAG CITY – Kinumpirmaran ni Police Staff Sgt. Mario Erol Tangonan, OIC iti PNP Solsona nga idi pay laeng Disyembre 31, 2019 ket makaaw-awatdan ti reklamo maipanggep ti maipagarup a kaadda ti agpappaputok ti paltog iti Brgy. Puttao iti nasao nga ili ngem awan ti makita dagiti otoridad.
Daytoy ket gapu ta patyen ni Tangonan nga aglemmeng daytoy ken piduten na dagiti kapsula.
Nupay kasta, kuna ni Tangonan nga idi parbangon kalman ket adda manen ti report nga adda ti nagpaputok ti paltog iti nasao a lugar ket insigida a nagresponde da ket nakita da ni Jemar Raymundo.
Kuna ni Tangonan a pinaputukan pay ketdi ni Raymundo dagiti otoridad rason a simmubot dagitoy a nakatamaan ti abaga na.
Segun kenni Tangonan, nabayagen nga agnanaed ni Raymundo idiay Tarlac ken adda pay tikaso na a murder idi tawen 2011 ngem nadismiss.
Immunan a narekobre dagiti otoridad ti paltog nga addaan ti empty magazine, maysa pay nga empty magazine, pito a kapsula ti bala ti paltog.
Inlawlawag ni Tangonan a posible nga iligal ti narekobre da a paltog gapu ta awan ti nakita da a record na iti PNP.
Innayon ni Tangonan a nagtalinaed iti Mariano Marcos Memorial Hospital and Medical Center iti siudad ti Batac para iti naan-anay a pannakaapaagas na.
