LAOAG CITY – Nasugatan ni Ferdinand Ramon Lacuesta y Balicoco, agtawen 44, naasawan kalpasan ti pannakadungpar na iti maysa a toyota Corolla Sedan nga inturong ni Lodivicio Buenavista y Aluag, agtawen 42, naasawaan, security guard ken residente iti Brgy. 25 M.H del Pilar ditoy siudad ti Laoag iti paset ti Barangay 6, Tonoton iti ili ti Piddig.
Basar iti imbestigasyon ti PNP Piddig, agpapaamyanan a direksyon ti toyota corolla sedan idi kellat a nadungpar ti sumarsaruno a motorsiklo nga inturong ni Balicoco.
Gapu iti napasamak, nabuong ti akinkannawan a tail light ken nagasgasana ti lugan.
Naitaray met iti Piddig District Hospital ni Balicoco gapo ti sinagaba na a sugat partikular iti akin kannigid a saka na idinto a saan met a naan-ano ni Aluag.
