LAOAG CITY – Natukkol ti akin-kannigid a saka ken nagsagaba ti sugat iti nagduduma a paset ti bagi ti maysa a lalaki a nangiturong ti motorsiklo kalpasan a nakadinnungpar na ti maysa a Pick-up Hilux iti Manila North Road a paset ti Barangay Nangalisan ditoy ciudad ti Laoag.
Iti imbestigasyon ti PNP Traffic-Division ditoy ciudad ti Laoag, agpapa-abagatan ti motorsiklo idinto nga agpapa-amyanan met ti Pick-up idi napasamak ti insidente.
Rumrumuar nga immagaw ti linya ti nakamotorsiklo a nangitunda ti panagdinnungpar da iti Pick-up.
Maipagarop pay a nakainom ti nasanger ti nangiturong ti motorsiklo.
