LAOAG CITY – Natukkol ti akin-kannawan a saka ti maysa a lalaki kalpasan a nadungparna dagiti nakabisikleta iti paset ti Vintar-road iti Barangay 28 ditoy ciudad ti Laoag.
Nabigbig daytoy a ni Joel Corpuz, 29, residente iti Brgy. Nalbo, Laoag City; idinto a ti nakabisikleta nga adda ti sidecar na ket ni John Paul Guillermo, 30,residente ti Brgy 23 ditoy ciudad, ken kadwana iti live in partne na.
Segun ti imbestigasyon ti PNP-Traffic Division, bayat ti panagpapa-amyanan ti motorsiklo nga inturong ni Corpuz ket kellaat a nadungparna dagiti nakabisikleta nga aglive-in-partner idi rabii.
Gapu ti daytoy, natukkol ti akin kannigid a saka ni Corpuz idinto a nagsagaba laeng ti gasgas dagiti nadungpar na.
Iti agdama, nagtalinaed iti GRASMA ni Corpuz para iti naan-anay a pannakatamingna.
