LAOAG CITY – Nagtalinaed pay laeng nga awan ti puot na ti biktima ti pannakalmes iti baybay a paset ti Sun Valley Beach Resort ditoy ciudad ti Laoag.
Nabigbig daytoy a ni Gerald Miguel agtawen ti 34 ken residente iti Barangay Sta. Rosa ditoy ciudad ti Laoag.
Segun kenni Dr. Melvin Manuel, ti mangidadaulo ti CDRRMO, nagovernight ti biktima ken dagiti kakadwa na ken nakainom da.
Inlawlawag na nga agpatpataw pay laeng ni Miguel ngem kalpasan ti sumagmamano a minutos ket nakita laengen dagiti kakadwa na nga awan ti puut na gapo ta maipagarop a na-ground.
Inbatad na a kalpasan ti inaramid da a first aid ket intaray da iti Laoag City General Hospital (LCGH).
Mangnamnama ni Manuel a makapuuten ti biktima gapo ta stable metten ti vital signs na ken dadduma pay.
