LAOAG CITY – Temporaryo a nawaya-wayaan ti lalaki a namagsasao iti maysa a baket iti ili ti Badoc.
Ti lalaki ket agtawen ti 38, maysa a construction worker ken residente iti Barangay Magnuang iti ciudad ti Batac ken agdama nga agtrabtrabaho iti ili ti Badoc idinto a ti biktima ket agtawen ti 58, residente iti Barangay Garreta iti nasao nga ili.
Ummuna iti daytoy, nagpyansa ti lalaki ti pito a ribo a pisos para iti temporaryo a pannakawaya-waya na ken nagkari a saan nan ton nga ul-uliten.
Maipalagip a basar iti imbestigasyon ket kinaryar ti suspek ti baket isut gapo na a napan da nagresponde ken idi nakadanon da iti lugar ket naduktalan a nabartek ti lalaki.
Idi anawaen dagiti pulis ti lalaki ken kinaryar na dagiti kameng ti PNP ken rumrumwar nga adda ti linayatan na a personnel.
