LAOAG CITY – Boluntaryo a simmuko kadagiti otoridad ti suspek ti napasamak a pammagkong itay kallabes iti Barangay Lydia iti ili ti Marcos.
Nabigbig ti suspek a ni Bilrey Ramos ken ti biktima ket ti katugangan na a ni Romeo Morada, agpada a residente iti nasao a barangay.
Basar iti PNP-Marcos, naipangato met ti kaso ti suspek a Frustrated murder manipud iti frustrated homicide.
Naamoan a ni Ramos ket napan nagpaing iti balay ti ama na a taga Barangay Root iti ili ti Dingras.
Maipalagip a adda ti nangireport itiPNP nga adda ti mapaspasamak a komosyon iti nadakamat a barangay ken idi nakadanon da iti lugar ket nakita dan a dara-dara ti biktima a nakadasay.
Inbatad na nga iti panagimbestigar da ket kanayon nga ub-uburen ti suspek ti balay ni Morada ken idi rabii ket saanen a nakateppel ti biktima ken dinarop na ti suspek.
Kunana nga idi dumarop ti biktima ket sinabat met ti suspek daytoy ket dagus na nga inbagkong ti kutsilyo nga iggem na.
Gapo iti daytoy, nagsagaba ti uppat a tama ti bagkong ti biktima partikular ti buksit, kili-kili ken takyag.
