LAOAG CITY – Manamnama a mapilaan ti agsusukot a kaso ti maysa a lalaki kalpasan a kinaryar na ti baket iti ili ti Badoc.
Ti suspek ket agtawen ti 38, maysa a construction worker ken residente iti Barangay Magnuang iti ciudad ti Batac ken agdama nga agtrabtrabaho iti ili ti Badoc idinto a ti biktima ket agtawen ti 58, residente iti Barangay Garreta iti nasao nga ili.
Iti imbestigasyon dagiti otoridad, rumrumwar a kinaryar ti suspek ti baket isut gapo na a napan da nagresponde ken idi nakadanon da iti lugar ket naduktalan a nabartek ti lalaki.
Idi anawaen dagiti pulis ti lalaki ken kinaryar na dagiti kameng ti PNP ken rumrumwar nga adda ti linayatan na a personnel.
Gapo iti daytoy, natiliw ti suspek ken sumango iti kaso nga unjust vexation, direct assault, disobedience ken alarm and scandal.
Agtultuloy met ti imbestigasyon ti PNP-Badoc ngem iti inisyal nga impormasyon ket awan met ti dati a susik ti suspek ken biktima.
