LAOAG CITY – Nagtalinaed nga awan ti poot ni Jaylord Mansano, agtawen iti 23 kalpasan a pinaltugan na ti ulo na babaen ti maysa a cal. 22 revolver idiay Brgy. Carusikis, Pasuquin, Ilocos Norte.
Immuna ti daytoy, naibaga ti biktima a saanda a kaykayat iti balay da isut gapu na a nasaysayaat laengen a matay.
Inbatad ti ina na a ni Mrs. Myrna Mansano nga awan ti ammo da a rason no apay a naibaga ti anak na a saan da a kaykayat iti balay da gapu ta saanda nga ung-ungtan no di ket bagbagaan da laeng gapu ti kanayun panagin-inom na ti arak.
Kuna pay ti ina a saanna nga ammo no nangalaan ti anak na ti inusar na a paltog.
Kinumpirmaran ni Mrs. Mansano nga adda ti sakit ti puso ti anak na isut gapuna bagbagaan da a saan unay nga agin-inom ti nasanger.
Nupay kast, mamati ni Mrs. Mansano a maysa a rason no apay nga agin-inom ti anak na ket gapu ta saanna pay a nalipatan ti dati a live-in partner na.
Segun ti ina a Mansano, addan makatawen sipud nagsina ti anak na ken ti live-in partner na gapu ti maipagarop a panagtalaw-talaw ti babai ken sumursurot iti saba-sabali a lallaki.
