LAOAG CITY – Pimmusayen ti lalaki a napalto-paltogan iti District 1 Superclub iti Brgy. 2 ditoy siudad ti Laoag.
Nabigbig daytoy a ni Arwin Domingo y Cristobal, agtawen ti 35, awanan asawa ken residente iti Brgy. 1 ditoy suidad.
Daytoy ti kinumpirmaran ni P/Lt. Col. Amador Quiocho iti PNP Laoag.
Maipalagip a bayat nga agtugtugaw iti kalsada ti biktima ken ti kabsat na ket dimteng ti riding in tandem suspect idinto kellaat a pinaltogan da daytoy.
Pimmusay ni Domingo bayat a maag-agasan iti Mariano Marcos Memorial Hospital and Medical Center iti ciudad ti Batac.
Agpapan ita ket blanko pay laeng ti PNP Laoag no ania iti motibo ti pannakapaltog ni Domingo.
