LAOAG CITY – Natiliw ti maysa a lalaki babaen ti inyuswat ti pulisya a drug buy bust operation idiay Barangay Magnuang iti ciudad ti Batac.
Nabigbig daytoy a ni Willie Jamon, agtawen ti 31, agtrab-trabaho iti plastic warehouse, awanan ti asawa ken residente iti nasao a barangay.
Nagatang ti police pusuer buyer ti maysa a dakkel sachet a maipagarop a naglaon ti napagango a bulong ti marijuana nga agbalor ti 500 a pisos.
Malaksid iti daytoy, naala pay kenkuana ni maysa a kaha ti sigarilyo nga addaan ti dua a bassit sachet iti maipagarop a bulong ti marijuana, lighter, dua nga stick ti sigarilyo, wallet, cellphone ken personal a gamit.
Mainaig iti daytoy, naiget a naglikudan ni Jamon a kukua na dagiti naala bayat ti operasyon ken saan na a kwarta ti 500 a pisos.
Inakusaran na pay dagiti kameng ti PNP-Batac nga idi sinada da isuna ket dagus da nga iniggaman ti ima na ken maipagarop a naukag a dagus ti bag na uray awan pay dagiti opisyal ti nasao a barangay.
Kabayaanna, kuna ni Barangay Captain Christoper Fontanilla iti nasao a barangay a ti laeng rekord ni Jamon ket ti, panagprobokar, karaman kadagiti riri nangruna no nakainom ken maysa kadagiti problema iti lugar da.
