LAOAG CITY – Naikomiten iti BJMP ti suspek a ni Romulo Pascual a residente ti Sitio Uma, Brgy. 31 Talingaan ditoy ciudad ti Laoag a nangpatay kenni Orlando Felix Albano.
Immuna iti daytoy, inpila dagiti kameng ti PNP-Laoag ti kaso a murder kontra kenni Pascual idi Hulyo 12 ngem nagwaiver daytoy para iti preliminary investigation.
Nupay kasta, naipila ti kaso a homicide kenni Pascual ken narekomendaran ti 120 a ribo a pisos a pyansa para iti temporaryo a pannakawaya-waya na
Maipalagip a pinatay ni Pascual ni Albano babaen ti barreta gapu iti riri dagiti dua.
