LAOAG CITY – Nagballaigi dagiti kameng ti Philippine National Police iti ili ti San Nicolas a nangtiliw ti maysa a lalaki babaen ti bileg ti warrant of arrest gapu iti kaso na a panagrames ken Acts of lasciviousness.
Ti warrant of arrest ket inparuk-at ni Hon. Judge Bonhoefer Vergara Bernardez iti Regional Trial Court (RTC) Branch 4 ditoy ciudad ti Laoag.
Naamoan a ti akusado ket agtawen ti 47, naasawaan, residente iti Barangay 21, San Agustin iti ili ti San Nicolas.
Nairekomendar ti 200 a ribo a pisos iti kada kaso a piyansa ti akusado para iti temporaryo a pannakawaya-waya na.
Iti agdama, nagtalinaed iti kustodyar ti Philippine National Police iti ili ti San Nicolas ti nasao nga akusado.
