LAOAG CITY – Maysa a lalaki a taga Denmark ti nakagun-od ti baro a Guinness World Record kalpasan a nangikabil ti 68 a posporo babaen kadagiti abut ti agongna.
Ti records keeping organization a Guinness World Records ket nabiit pay a nangpasingked a ti agtawen ti 39 a ni Peter von Tangen Buskov ket isu ti kaudian a record holder ti “Most Matches Held in the Nose” a titulo.
Daytoy ket kalpasan a nabalinanna nga inkabil ti 68 a posporo iti dua nga abut ti agongna.
Ni Buskov ti immuna a nakairekord iti daytoy a titulo. Ti kabassitan a kasapulan ti Guinness tapno makaiggem iti titulo ket makaikabil iti 45 a posporo.
Segun ken ni Buskov, awan ti nariknana nga ut-ot gapu ta inpagarupna a dakkel ti abut ti agongna.
Inbatad ti Junior high teacher a ni Buskov ket napanunotna laeng ti agaramid iti Guinness record para laeng iti pagraragsakan.
