LAOAG CITY – Natay ti maysa a lalaki kalpasan a nalmes iti maysa a resort iti ili ti Sarrat.
Nabigbig ti biktima a ni Fernando Hernando, agtawen ti 47, taga Barangay 8 ditoy ciudad ti Laoag.
Segun ti report, napan ti biktima ken ti sibubukel a pamilya na a
Gansatao Resort Village iti ili ti Sarrat.
Naamoan a nabartek a napan nagdigus ni Hernando a nangitunda ti pannakalmes na.
Naitaray iti Dingras District Hospital iti ili ti Dingras ngem naideklara a pimmusayen.
