LAOAG CITY – Naarestar ti maysa a lalaki a wanted person iti Brgy. Poblacion 1 iti ili ti Currimao.
Segun iti Currimao Municipal Police Station, nabigbig ti suspek a ni Jade Almazan y Cacut, agtawen iti 34, awanan asawa ken residente ti Brgy. Paguludan-Salindeg, iti nasao nga ili.
Natiliw ti suspek babaen iti bileg ti warrant of arrest nga inparuk-at ni Hon. Judge Johnson Valin Padre ti RTC Branch 13, Laoag City, Ilocos Norte.
Naarestar ti suspek gapu iti panaglabsingna iti Art. 310 ti RPC wenno Qualified Theft no sadinno a narekomendaran isuna nga agpiyansa ti 40 a ribu a pisos para iti temporario a pannakawayawayana.
Naammoan a nagtalinaed iti pagbalodan ti suspek iti Currimao Municipal Police Station.
