LAOAG CITY – Sumango ti suspek iti kaso a panaglabsing iti RA 9262 wenno violence against Women and Children kalpasan ti panangbagkong na ti kalive-in na a babai iti ili a San Nicolas.
Nabigbig ti suspek a ni Roger Paguirigan y Ulep, agtawen ti 53, idinto ti biktima ket ni Elvira Camagung y Bumanglag, agtawen ti 49. agpada a residente iti Brgy. 9 San Lucas, iti nasao nga ili.
Segun ti PNP, napasamak ti pammagkong iti parbangon idi Mayo 19 no sadino nga inawis ti suspek ti misis na nga agkape.
Gapu iti panagkedked ti biktima iti panangawis kenkuana ti suspek ket dita metten a binagkong na.
Nakita met dagiti annak da iti napasamak ken nalapdan iti nakar-karu kuma a pannakadangran ti ina da.
Nagsagaba ti biktima iti sugat ti takyag ken buksit na ken dagus a naitaray iti ospital.
