LAOAG CITY – Dead on the spot ti maysa a lalaki kalpasan a nakidinnungpar ti nagluganan na a motorsiklo iti maysa a delivery van iti Barangay Tabug iti ciudad ti Batac.
Nabigbig daytoy a ni Patrick Domingo, agtawen ti 21, awanan asawa, maysa a construction worker ken residente iti Barangay Sta. Cruz iti ili ti Currimao idinto ti kinadinnungpar na ket ni Emerson Duran, agtawen ti 30.
Segun kenni Police Major Artemio Clemente, deputy chief of police ti PNP-Batac, bayat nga agpapaamyanan a direksyon ni Domingo ket nakadinnungpar ti nakasinnabet na a delivery van a nangitunda ti desgrasya.
Gapo iti daytoy, nagsagaba ti nakana a sugat ni Domingo kangrunaan ti ulo na ken nabuong pay ti helmet na.
Inlawlawag na a kalpasan a nadungpar ni Domingo ket nadungpar pay ti maysa a van, motorsiklo ken kotse gapo iti kinapigsa ti impact ti desgrasya.
Innayon na a rumrumwar iti imbestigasyon a ni Domingo ket immovertake a nangitunda ti desgrasya.
Kabayatanna, kuna ni Clemente nga awan pay ti napagsasaritaan dagiti karaman iti insidente ken ti pamilya ti pimmusay.
