LAOAG CITY – Naglikudan ti nabigbig laeng a Tony iti Brgy. Rioeng ditoy ciudad ti Laoag a dinangran na ti live-in partner na ken ti syuman na.
Segun iti palawag na, inungtan na laeng ti syuman na gapu ta idi simmangpet da iti live in partner na ket saan pay a nakaluto.
Nupay kasta, dinillaw ti live-in partner na ti panangunget na iti syuman na rason a naibaga na a kankanunungan na ti anak na.
Naamoan a ditoyen a nangrugi ti saan da a pinagkinnaawatan ken panagsinungbat da.
Inlawlawag ni Tony a pinagsawan isuna ti syuman na ken pagtalawen na, ken naibaga na nga awan ti karbengan na iti pagtaengan da.
Gapo iti daytoy, kunana a napapispisan na laeng bassit ti syuman na ken nagpipinnakawan da met laeng kalpasan daytoy.
Innayon na nga awan ti napasamak a panagdangran kadagiti agina no diket simple laeng a saan a panagkikinaawatan iti uneg ti pamilya.
