LAOAG CITY – Nabagkong ti maysa a lalaki kalpasan a maipagarup a kinursunada dagiti innem a saan a nabigbig a lallaki iti likod ti kapitolyo probinsyal ditoy ciudad ti Laoag.
Nabigbig ti biktima a ni PJ Mallari residente iti Brgy. Cavit ditoy siudad ti Laoag.
Segun kenni Erwin Asuncion, kadua ti biktima, kalpasan ti inatendaran da a pasken iti pagpapaayan da a kompanya ket mapan da kuma agsada ti tricycle iti sango ti kapitolyo probinsyal.
Kuna na a dita a dimteng dagiti innem a lallaki ken nakursunadaan da ti biktima bayat nga agsarsaruno a magmagna da iti likod ti kapitolyo.
Inlawlawag na a sumarsaruno dagiti lallaki kadakuada rason nga immuna a napan nagsada ti tricycle.
Kuna pay ni Asuncion a sublianan na koma ti kadua na ngem mabuteng ta adu dagiti lallaki.
Saan a nailasin ti biktima dagiti innem a lallaki a nangbagkong kenkuana.
Iti agdama ket maag-agasan ni Mallari iti Mariano Marcos Memorial Hospital and Medical Center iti siudad ti Batac.
Agtultuloy met ti imbestigasyon dagiti kameng ti PNP kalpasan ti pammagkong itay parbangon.
