LAOAG CITY – Maysa nga orchid enthusiast idiay Canada ti nakagun-od ti world record kalpasan a nakapatubo isuna ti maysa nga orchid nga addaan ti nasurok 100 a sabsabong.
Kinumpirmaran ti records keeping organization a Guinness World Records a ni Kevin English ti baro a record holder ti titulo a “Most Flowers on an Orchid Plant (monopodial).”
Daytoy ket gapu iti orchid plant-na nga addaan ti 159 a sabsabong.
Saan met a daytoy ti umuna a daras ni English a nakagun-od ti nasao a titulo gapu ta iti napalabas a tawen ket isuna latta ti akin-iggem ti rekord a 131 a sabsabong.
